Geovanis
Ibi byabaye ku mugoroba wo kuri uyu wa 07 Werurwe 2023 mu Karere ka Nyarugenge mu Murenge wa Kiyovu, Akagari ka Kiyovu hafi y’inyubako y’ubucuruzi ya CHIC.
Byaturutse ku muzunguzayi witwa mama mugisha witambitse imodoka y’abashinzwe umutekano, Nyuma ngo abazunguzayi baje ari benshi mu kavuyo baterura umwe mu banyerondo, bamutwara mu maboko hanyuma bamutera icyuma mu gisambu kiri munsi ya gare, ahita apfa.
Umuyobozi w’Umurenge wa Nyarugenge, Patricia Murekatete yabwiye IGIHE dukesha aya makuru ko abazunguzayi basagariye uwo munyerondo ari mu kazi kandi yambaye n’imyenda y’akazi, ubwo we na bagenzi be bari mu gikorwa cyo kurwanya ubucuruzi bw’akajagari.
Yavuze ko ababikoze batarafwata ariko inzego z’umutekano zatangiye kubashakisha uruhindu.
