Abatumwe gukiza Gitinyiro na Gikundiro bamenyekanye

Impande n’impamde mu gihugu ikiri Kuvugwa ubu ni umukino karundura uzaba Cyumweru tariki 12 Gashyantare 2023 ku isaha ya saa 15:00 nibwo hateganyijwe umukino w’umunsi wa 19 wa Primus National League, ukaba ari umukino uzabera kuri sitade mpuzamahanga ya Huye.

Ni igihe abafana ba Rayon Sports bavuga ko bakwiye kwigaranzura APR FC imaze imyaka isaga ine ibatsinda badakoramo, mu gihe APR FC nayo ishaka kugumana umwanya wa mbere kuko ishaka gutwara igikombe cya kane cya shampiyona yikurikiranya.

Uyu mukino uba wateje impaka mu bakunzi ba ruhago mu Rwanda, yaba abafana, abakinnyi ndetse n’ubuyobozi bw’aya makipe bamaze kumenya ko uzasifurwa n’umusifuzi Ruzindana Nsoro.

Mu gihe Ruzindana Nsoro azaba ari umusifuzi wo hagati, ku mpande ze hazaba hari Ishimwe Didier na Maniragaba Valeri nk’abasifuzi bo ku mpande.