Abatumirwa ba Rayon Sports bamaze kugera mu Rwanda kwitabira ubutumire bahawe (Amafoto)

Ikipe y’ikigo cy’imisoro n’amahoro muri Uganda (Uganda Revenue Authority FC) yamaze kugera i Kigali mu Rwanda aho yitabiriye ubutumire bwa Rayon Sports.

URA FC yageze mu Rwanda ku mugoroba wo kuri uyu wa Gatatu tariki 31 Kanama 2022, aho ije gukina umukino wa Gicuti na Rayon Sports uteganyijwe kuri uyu wa Gatanu saa kumi n’ebyeri kuri sitade ya Kigali I Nyamirambo.

Rayon Sports ikaba igiye gukina na URA FC yo muri Uganda nyuma yo gukina umukino wo gufasha Mukura Vs, waje kurangira anawutsinze ibitego bibiri kuri kimwe cy’iyi kipe yo mu Karere ka Huye.

Amafoto: