Abarimo Martin Ødegaard n’abandi bakinnyi ba Arsenal bihariye ibihembo by’indashyikirwa z’i London muri siporo

Ikipe ya Arsenal binyuze mu bakinnyi ndetse n’umutoza wayo baraye begukanye ibihembo by’indashyikirwa mu makipe aherereye i London.
Mu ijoro rya keye mu Mujyi wa London, mu nzu yitwa Round House haberaga umuhango wo guhemba abantu baba muri siporo by’umwihariko abo mu makipe ya London.

Ni ibihembo byatangwaga ku mukinnyi mwiza mu bagore n’abagabo, umutoza mwiza mu bagore n’abagabo , Umukinnyi mwiza ukiri muto mu bagore n’abagabo ndetse n’abagize uruhare mu iterambere rya siporo i London.

Ikipe ya Arsenal niyo yatwaye ibihembo byinshi mu kiciro cy’abagabo kuko umukinnyi mwizà yabaye Martin Ødegaard atsinze abarimo Harry Kane, Ivan Toney na Mitrovic.
Umutoza mwiza yabaye Mikel Arteta , umuzamu mwiza aba Aaron Ramsdale mu gihe umukinnyi ukiri muto yabaye Bukayo Saka.