M.Ben
Abanyarwanda 50,8% ntibashobora kwigondera inzu ziciriritse kabone niyo Leta yabameneramo nkunganire.
Minisiteri y’Ibikorwaremezo igaragaza ko abahembwa nibura miliyoni 1,2 Frw ku kwezi ari bo bashobora kwiyishyurira inzu nta nkunganire bakeneye, ni ukuvuga abangana na 2,7%.
Abagera kuri 46,1% bashobora kwishyurirwa hagiyeho nkunganire mu gihe abahembwa munsi ya 200.000 Frw bagera kuri 50,8% bo badashobora kwiyishyurira inzu ziciriritse ahubwo bakeneye gufashwa gukodesha.
Uretse kuba hari n’umubare munini w’Abanyarwanda badashobora kwigondera izi nzu ziciriritse, Depite Nyirahirwa Veneranda yavuze ko inzu ziciriritse zubakwa zikiri nke kandi bishobora guterwa n’impamvu zitandukanye.
