Epaphrodite Nsengimana
Kuri uyu wa Mbere, hatangijwe ku mugaragaro radiyo nshya yitwa SK FM, iyobowe n’umunyamakuru w’imikino wamamaye, Sam Karenzi. Iyi radiyo izibanda cyane ku biganiro by’imikino, imyidagaduro, n’andi makuru agezweho.
Mu biganiro bikomeye bizatangira kuri SK FM, harimo “Urukiko rw’Ikirenga”, ikiganiro cy’imikino kizayoborwa n’abanyamakuru bakomeye: Sam Karenzi, Kazungu Claver, Niyibizi Aimé na Ishimwe Richard. Aba banyamakuru bafite uburambe mu gutara no gusesengura amakuru y’imikino, bakaba bariyubatse ku maradiyo atandukanye mbere yo kwinjira muri SK FM.
Iki kiganiro kizibanda ku isesengura ryimbitse ry’ibyabaye mu mikino, ibitekerezo ku makipe n’abakinnyi, ndetse n’isesengura ry’ibyemezo by’abayobozi b’imikino. “Urukiko rw’Ikirenga” kizaba urubuga abanyamuryango b’imikino bazunguraniraho ibitekerezo ku bibazo n’iterambere ry’uyu mukino mu Rwanda no ku rwego mpuzamahanga.
Abakunzi b’imikino barasabwa gukurikira SK FM kugira ngo bumve uko aba banyamakuru bakomeye bazana umwihariko mu gusesengura ibibera mu kibuga no hanze yacyo.
