Abanyamakuru 3 b’imikino bakomeye hano mu Rwanda bashwanye bikomeye benda no kurwana kubera ikipe ya Rayon Sports

Ikipe ya Rayon Sports ifanwa n’abantu batari bacye mu ngeri zitandukanye, yatumye abanyamakuru 3 b’imikino bakomeye hano mu Rwanda benda kurwana.

Radio Fine FM ikoraho abanyamakuru batandukanye bakomeye hano mu Rwanda cyane mu gisata k’imikino, uyu munsi mu kiganiro Urukiko rw’ubujurire gikorwa n’abarimo Sam karenzi, Jado Dukuze, Muramira Regis ndetse na Niyibizi Aime habayeho kutumvikana mu buryo bukomeye.

Muri iki kiganiro abanyamakuru barimo Niyibizi Aime, Muramira Regis ndetse na Jado Dukuze bashwanye mu buryo bukomeye bapfa ikipe ya Rayon Sports imaze iminsi igaragaza kutitwara neza mu kibuga ndetse no hanze yacyo. Aba banyamakuru byatangiye Regis yemeza ko Peter Agblevor ukinira ikipe ya Musanze FC, Rayon Sports yakagombye kumugura ariko Aime ntabyemere.

Uku gushwa byakomeje baterana amagambo bigera aho Regis avuga ko Perezida Uwayezu Jean Fidel adashoboye ibintu byahise bituma noneho umujinya wa Aime uzamuka cyane ariko Jado Dukuze wagombaga guhashya uku gushwana nawe abyinjiramo avuga ko Peter Agblevor ari rutahizamu mwiza wanakina neza mu ikipe ya Rayon Sports Aime bamuteraniraho bombi bituma bakomeza kutumvikana cyane.

Ibi byabereye muri studio ya Fine FM ninako biri mu bice bitandukanye by’igihugu bitewe ni uko iyi kipe ya Rayon Sports ikunze n’abenshi kandi igakomeza gutenguha abayikunda. Ikipe ya Rayon Sports Shampiyona ijya gutangira yari ikipe benshi bavuga ko imeze neza igomba gutwara igikombe ari nako abayobozi bayo bakomeza kubyizeza abayikunda ariko kugeza ubu iyi kipe ubona ko nta guhunda ifite.

Rayon Sports ikeneye umukinnyi utaha izamu ukomeye cyane ariko nta kimenyetso yerekena cy’uko iyi kipe yaba irazana umukinnyi ukomeye kubera ko ibyayo biravugwa gusa ariko ugasanga nta mukinnyi iguze. Ikomeje gushaka abakinnyi 2 barimo Moro ndetse na Mundele ariko kugeza ubu ntabwo wamenya aho bigeze kuri aba bombi.