HARAGIRIMANA Dieudonne
Umuhanzi Diamond Platnumz yavugishije benshi muri Tanzaniya nyuma yo kumubona ari kumwe n’umuhanzi Wiz Khalifa usanzwe ukunda urumohi cyane, aho bivugwa ko barimo gutegura gukorana indirimbo.
Uyu muhanzi ukunzwe cyane muri Tanzania, aracyari muri Amerika aho ari gukora indirimbo zizagaragara kuri album ye ya kabiri, murugendo Diamond ari kugirira muri Amerika, amaze guhura n’ibyamamare bitandukanye harimo, Busta Rhymes, Swae Lee na Swizz Beat bamufashije gukora indirimbo ari gutunganya.
Muri uru rugendo, Diamond yagaragaje ko yahuje imbaraga na Wiz Khalifa aho binjiye muri Studio bakorana indirimbo izajya hanze mu minsi ya vuba.
Mu mafoto Diamond yagaragaye arikumwe na Wiz Khalifa, Wiz uzwiho gukunda itabi ry’urumogi ndetse akaba anarwamamaza cyane, naho yari afashe ibure mu ntoki.
Aya mafoto ya Diamond na Wiz afashe urumogi yavugishije benshi mu bakunzi ba Diamond cyane cyane muri Tanzaniya, nuko basabaga Wiz ko yabanza akigisha Diamond nawe kujya asoma ku rumogi nawe akajya muri meditasiyo ngo byabafasha kuryoshya iyi ndirimbo.
