Abanya Argentina ibihumbi n’ibihumbi bari gusaba rutahizamu ngenderwaho w’igihugu cyabo gutandukana n’umukunzi we

Abanya Argentina barenga ibihumbi 20 bamaze gusinya ku nyandiko isaba ko rutahizamu w’ikipe y’igihugu cyabo, Julian Alvarez yatandukana n’umukunzi we Emilia Ferrero.

Aba bararakaye cyane nyuma y’uko uyu mukobwa abujije uyu mukinnyi kujya kwishimana n’abafana igihe iyi kipe yariri kwishimira igikombe cy’Isi baherutse gukura muri Qatar.

Ubwo uyu rutahizamu yatemberezaga igikombe cy’isi mu gace avukamo ka Calachin, ibihumbi bisaga icumi by’abafana baje muri uyu muhango bishimye cyane.

Mu kirori, uyu mukobwa Emilia yafashwe amashusho ari kubuza Alvarez kujya kwifotozanya n’abana bari bishimye bashaka ko abasigira agafoto.

Umwe mu bafana byababaje yahise ashyira hanze inyandiko isaba Alvarez kureka uyu mukobwa kubera ubu bugome bituma barenga ibihumbi 20 bayisinyaho babimusaba, gusa Alvarez ntacyo aravuga ku kureka uyu mukunzi we bamaranye imyaka 4.