Kubwayo Mc croix
Kuri uyu wa Gatanu no ku wa Gatandatu, tariki ya 31 Mutarama na 1 Gashyantare 2025, hateganyijwe imikino yo gushaka ry’igikombe ry’Intwari 2025 ryateguwe na Fédération Rwandaise de Volleyball (FRVB) ku bufatanye n’Urwego rushinzwe Intwari z’Igihugu, Imidari n’Impeta by’Ishimwe (CHENO) , iri rushanwa rizahuza amakipe y’abagabo n’ay’abagore mu mukino wa Volleyball. Iyi mikino izabera ahantu habiri hatandukanye: muri Petit Stade no muri NPC Gymnasium.
Ku wa Gatanu, amakipe y’abagabo ni yo azakina mbere, hakaba hateguwe imikino itegerejwe cyane n’abakunzi ba Volleyball. Saa kumi z’amanywa, muri Petit Stade hazaba umukino ukomeye uzahuza Police VC na Kigali VC, mu gihe muri NPC Gymnasium Kepler VC izaba ihatana na RP Ngoma. Nyuma y’iyi mikino ya mbere, saa moya z’umugoroba, Petit Stade izakira undi mukino ukomeye uzahuza APR VC na Gisagara VC, mu gihe muri NPC Gymnasium REG VC izaba ihura na EAU VC.
Ku wa Gatandatu, amakipe y’abagore nayo azakina imikino yo gushaka itike, hitezwe imikino y’abagabo. Saa tatu za mu gitondo, Petit Stade izakira umukino wa mbere uzahuza Police WVC na RP Huye, naho muri NPC Gymnasium hakazaba umukino hagati ya RRA VC na EAU WVC. Saa tanu za mu gitondo, muri NPC Gymnasium hazakina APR WVC na Ruhango WVC, mu gihe muri Petit Stade hazabera umukino wa nyuma w’uwo munsi uzahuza Kepler WVC na Wisdom WVC.
rikaba rigamije guha icyubahiro Intwari z’Igihugu binyuze mu mikino. Uretse no guha agaciro izo ntwari, ni uburyo bwo kwimakaza ubusabane n’umutima w’ubutwari mu bakunda uyu mukino nb’abanyarwanda muri rusange.
Abakunzi ba Volleyball bararikiwe kwitabira iyi mikino yose kugira ngo bashyigikire amakipe yabo ndetse banashimangire umuco wo gukunda igihugu no kwibuka Intwari z’u Rwanda.
