HARAGIRIMANA Dieudonne
Abahanzi Ngabo Medard Jobbert uzwi ku izina ry’ubuhanzi nka Meddy ndetse na Mugisha Benjamin uzwi ku izina rya The Ben ni bamwe mu bahanzi nyarwanda bakunzwe n’imbaga nyamwinshi y’abakobwa hirya no hino ku isi. Abantu benshi bakomeje kugenda bibaza impamvu bano bahanzi bakunzwe cyane kurusha abandi binatuma aho bakoreye ibitaramo haboneka umubare munini w’abafana biganjemo ab’igitsina gore. Twaganiriye na bamwe mu bafana b’aba basore baduhishurira amwe mu mabanga bakundira bano basore b’abanyarwanda.
Nkuko bamwe mu bafana ba The Ben na Meddy babitangarije YEGOB, bavuze ko impamvu nyamukuru bakunda aba bahanzi ariko uko bafite igikundiro ndetse bakaba ari n’abasore b’ibigango ibi bikunze gushitura bamwe mu bakobwa hirya no hino ku isi. Bongeyeho kandi ko aba basore ari abahanga mu miririmbire ndetse bakaba bakundirwa uburyo bategura ndetse bakanagaragara ku rubyiniro (stage performance).
