Abakinnyi bane b’ibihangange muri shampiyona y’u Rwanda bahamagawe mu Ikipe y’Igihugu y’u Burundi

Ikipe y’Igihugu y’u Burundi ‘Intamba mu Rugamba’ yahamagaye abakinnyi bane bakomeye muri shampiyona y’Icyiciro cya Mbere mu Rwanda.

Abakinnyi bahamagawe mu Ikipe y’Igihugu y’u Burundi ni Bigirimana Abedi, Nshimirimana Ismail Pitchou ba Kiyovu Sports, hakiyongeraho Shabani Hussein Tchabalala wa AS Kigali na Nizigiyimana Abdoulkarim ‘Mackenzie’ wa Gasogi United.

Aba bakinnyi bazahaguruka mu Rwanda bajya mu Burundi muri uku kwezi kwa Werurwe nyuma y’umunsi wa 24 wa shampiyona y’Icyiciro cya Mbere.

Ikipe y’Igihugu y’u Burundi itozwa na Ndayiragije Etienne bari kwitegura umukino uzabahuza na Namibia mu gushaka itike ya CAN.