THIERRY Mugiraneza
Igikombe cy’isi cya 2022 kiri butangire kuri iki cyumweru muri Qatar hari impano z’abakinnyi bakiri bato bitezweho byinshi n’abakunzi b’umupira w’amaguru,aho buri imwe ahanzwe amaso ngo azagaragaza icyo ashoboye.
Muri iy’inkuru tugiye kugaruka ku bakinnyi bategerejweho kwigaragaza.
1.Bukayo Saka
Bukayo Saka usanzwe ukinira ikipe ya Arsenal ariko akaba ari Umwongereza ni umwe mu bitezweho byinshi n’abakunzi b’umupira w’amaguru ngo barebe niba uyu musore w’imyaka 21 haricyo azafasha ikipe y’Abongereza batazitabira intare eshatu(Three Lions).
Ubwongereza mu gikombe cy’isi giheruka cya 2018 cyabereye mu Burusiya bari batahanye umwanya wa gatatu.
2. Vinicious Junior
Vinicious Junior ni Umunya-Burezili usanzwe ukinira ikipe ya Real Madrid. Uyu musore w’imyaka 22 wagaragaje ko ari umwe mu banyempano isi ifiteu mupira w’amaguru nawe ahanzwe amaso hamwe n’igihugu cye cya Burezile mu mikino y’igikombe cy’isi.
3. Antony dos Santos
Uyu musore w’imyaka 22 bakunze kwita Antony nyuma yo kuva mu ikipe ya Ajax aguzwe na Manchester United akayabo ka Miliyino ijana z’Amayero,nawe Abanya-Burezile ndetse n’abaganga muri rusange bategereje kuzareba niba azafatanya n’abagenzi be bakageza kure iyi kipe.
4. Phil Foden
Phil Foden usanzwe ukinira ikipe ya Manchester City ategerejwe we n’ikipe y’igihugu y’Ubwongereza kuzagira icyo bereka isi ya ruhago ko ari ikipe ikomeye. Phil Foden umaze gukinira Ubwongereza imikino cumi n’umunani atsinda ibitego bibiri agiye mu mikino y’igikombe cy’Isi amaze gutsindira Manchester City ibitego birindwi muri iyi Season.
5.Ansu Fati
Uyu musore w’imyaka 20 ukomoka muri Guinea-Bissau ariko akaba akinira ikipe y’igihugu ya Esipanye ategerejwe kuzafatanya n’abagenzi be bakazamura ibendera rya Esipanye.
6.Jude Bellingham
Jude Bellingham ni Umwongereza w’imyaka 19 usanzwe ukinira ikipe ya Borrusia Dortmund ikina Championa y’ikiciro cya mbere mu Budage.
Jude wagaragaje ubuhanga bwe muri uyu mwaka bikagaragazwa n’uko yifujwe n’amakipe akomeye nka Liverpool, Juventus, Manchester City ndetse na Real Madrid haribazwa icyo azakorau gikombe cy’Isi cya mbere azaba akinnye.
