Abakinnyi babiri ngenderwaho muri APR FC bashobora guhanishwa kutazongera kubanza mu kibuga nyuma yo gusuzugura umutoza Ben Moussa

Umutoza Ben Moussa ntabwo ari gucana uwaka n’abakinnyi babiri ari bo Kapiteni Manishimwe Djabel na rutahizamu Mugunga Yves.

Hashize igihe bivugwa ko Mugunga Yves na Manishimwe Djabel batumvikana n’umutoza Ben Moussa bitewe n’uko abagaragariza ko atabafite muri gahunda ze.

Amakuru yizewe twamenye ni uko Manishimwe Djabel na Mugunga Yves bashobora kutazongera kubanza mu kibuga bitewe n’uko urwego rwabo rw’imikinire rwasubiye inyuma ndetse bakaba badashaka gukora cyane ngo basubire ku rwego rushimishije bahozeho.

Ikipe ya APR FC izacakirana na Musanze FC ku gicamunsi cy’ejo ku Cyumweru tariki 26 Gashyantare 2023, uyu mukino uzabera kuri Stade Ubworoherane ukazatangira Saa Cyenda z’amanywa.