HARAGIRIMANA Dieudonne
Ikipe ya Kiyovu Sports yashatse kongerera amasezerano abakinnyi 2 bakomeye baranga kubera ko bifuza kwerekeza mu ikipe ya Rayon Sports cyane.
Hashize igihe ikipe ya Kiyovu Sports yitwara neza cyane hano muri Shampiyona y’u Rwanda, bitewe n’abakinnyi beza iyi kipe ifite nubwo gutwara igikombe byananiranye benshi bibaza icyabuze Kandi ubona ko ari yo kipe ifite abakinnyi beza hano mu Rwanda.
Muri abo bakinnyi bayo beza barimo kugenda basoza amasezerano muri iyi kipe, ubuyobozi bwa Kiyovu Sports buri gushaka kongerera amasezerano Bigirimana Abedi ndetse na Nshimiyimana Ismael Pitchou ariko kugeza ubu ntibagishaka gukinira iyi kipe.
YEGOB twaje gutohoza neza dusanga ikipe ya Rayon Sports yamaze kuganiriza aba bakinnyi 2 bemeranya ko mu mwaka utaha bazaza gukina muri iyi kipe hatagize igihinduka. Ubuyobozi bw’ikipe ya Kiyovu Sports bumaze kumenye ibi nibwo batangiye gushyira imbaraga mu kongerera amasezerano aba bakinnyi ariko bikomeje kugorana.
Ikipe ya Kiyovu Sports igeze ku mwanya wa kabiri n’amanota 47 ikurikiye ikipe ya APR FC ifite amanota 49 ndetse izi kipe zose zikaba zikurikiwe n’ikipe ya Rayon Sports ifite amanota 46.
