Abahanzi nyarwanda bashiriye muri Amerika, undi muramyi nawe agiye gutura yo

Serge Iyamuremye umuhanzi w’indirimbo zo kuramya no guhimbaza Imana, Serge Iyamuremye wamenyekanye mu ndirimbo zirimo nka ‘Biramvura’, ‘Yari njyewe’ yimukiye muri Leta ya Texas muri Leta Zunze Ubumwe za Amerika.

Uyu muririmbyi uzwi mu ndirimbo zo guhimbaza zizwi nka ”Gospel” ubu yerekeje muri Amerika kuva muri Nyakanga 2022, aho yagiye agiye kureba umukunzi we Sandrine Uburiza baherukanaga hashize igihe.

Ku makuru dukesha Inyarwanda avuga ko uru rugendo Serge yakoreye muri Amerika, ari rwo rwabaye intangiriro yo kwimukira muri Amerika.

Ariko mu bihe bitandukanye azajya aza mu Rwanda muri gahunda z’umuziki, gusura inshuti n’abavandimwe n’ibindi bitandukanye.

Serge yimukiye muri Amerika mbere y’umuramyi Patient Bizimana wasanze umugore we Gentille n’umwana we, kuva ku wa 26 Nzeri 2022.

Serge aherutse kuririmba mu gitaramo ‘Moyoni Album Launch’ cyo ku wa 22 Ukwakira 2022, umuhanzikazi mu ndirimbo zo kuramya no guhimbaza Imana Alice Mwamini yamurikiyemo album ye.