Abagore n’abakobwa batambara amasutiye n’amakariso, bagiye kuzajya bajyanwa muri gereza

Muri Leta ya Anambra, muri Nigeria, inzego zishinzwe umutekano zatangaje ko zigiye gutangira gufata abagore bose bazagaragara mu ruhame batambaye isutiye cyangwa umwenda w’imbere.

Iri tangazo ryatangajwe n’umugabo wakoresheje indangururamajwi, asobanurira abaturage ko ari itegeko ryashyizweho na Guverineri wa leta, Chukwuma Soludo. Yongeyeho ko n’abagore bazagaragara bambaye imyenda y’imbere gusa bazafatwa bakajyanwa mu buroko.

Iyi nkuru yateje impaka ndende ku mbuga nkoranyambaga. Bamwe bayishyigikiye, mu gihe abandi bayamaganye bavuga ko iri tegeko rihonyora uburenganzira bw’abantu ku giti cyabo.