Abagore ba 3 baburiwe irengero

Abagore batatu bo muri Leta Zunze Ubumwe za America ,muri Leta ya Texas baburiwe irengero mu kwezi gushize nk’uko inkuru dukesha ikinyamakuru Time cyandikirwa muri America kibivuga.

 Abo bagore ba 3 baburiwe irengero ni Maritza Rios w’imyaka 47 , Marina Rios w’imyaka 48 basanzwe bavukana ndetse n’inshuti yabo  Dora Saenz w’imyaka 53 , bose bakaba barabuze ubwo bambukaga umupaka wa Mexico bagiye mu isoko rya Flea Market kugura imyenda.

Iki kinyamakuru kikavuga ko aba bagore babiri basanzwe baturuka mu mujyi wa Penitas uherereye Texas ,hamwe n’inshuti yabo bambukiye ku mupaka muto  uri i Texas hafi ya McAllen bajya Mexico mu kwezi gushize akaba ari nabwo imiryango yabo ibaheruka.