Moïse Habanabashaka
Batumiye abagezweho gusa, Dore urutonde rw’abahanzi umunani bazaririmba mu bitaramo bizaherekeza ‘Tour Du Rwanda’
Urutonde rw’abahanzi i umunani biganjemo abakunzwe muri iyi minsi nibo byemejwe ko bazaririmba mu bitaramo bizaherekeza isiganwa ry’amagare byiswe ‘Tour du Rwanda Festival’.
Ibi bitaramo biteganyijwe kubera mu Karere ka Musanze ku wa 21 Gashyantare 2023 no mu Karere ka Rubavu ku wa 23 Gashyantare 2023.
Ni ibitaramo uko ari bibiri bizitabirwa n’abahanzi barimo Mico The Best, Senderi Hit, Kenny Sol, Bwiza, Chris Eazy, Platini, Niyo Bosco na Marina.
Iri rushanwa rizenguruka u Rwanda ku magare rigiye kuba ku nshuro ya 15 kuva ribaye mpuzamahanga, biteganyijwe ko rizakinwa ku wa 19-26 Gashyantare 2023.
Tour du Rwanda 2023 izitabirwa n’amakipe 20 yatoranyijwe muri 51 yasabye kuyitabira.
