Abagenzi bari mu ndege bihumurije urupfu indege iri mukirere baranukirwa

Abagenzi 25 bari mu ndege y’Uburusiya bavaga Magan  berekeza  Siberian mu gace ka Yakutia bihumurije k’urupfu ,nyuma yaho indege barimo umuryango wayo wafungukiye mu kirere abagenzi bagatangira gusezera ku buzima.

Amashusho mato yasakajwe n’umugenzi wari muri iyi ndege ,agaragaza umuryango w’inyuma ye hafi nahabikwa ibikapu by’abagenzi  aho yari yicaye igice kimwe cyawo gufunguye ,ndetse ubona umuyaga ari mwinshi ,

Cyakora muri ako kanya umushoferi w’indege yahise agerageza kumanura indege igitaraganya ku kibuga cy’indege cya  Magan muri Siberian  mu gace ka Yakutsk, ndetse kubw’amahirwe biramukundira abagenzi bose uko 25 barimo n’abakozi bo mu ndege bavamo ntawitabye Imana.

Kimwe mu byatunguye abantu ni ukuba mu gihe abandi ubwoba bwari bwose , umugenzi wanafashe amashusho ngo yari yashishikajwe n’ibirikuba ndetse nta n’umukandara umufashe yambaye kuburyo habuze gato ngo umuyaga umujyane.