Abagabo b’i Nyagatare bari guta abagore babo babyaye abana benshi bakajya kwishakira abatari babyara kugira ngo barye neza kandi bahage

Mu karere ka Nyagatare mu murenge wa Tabagwe mu kagali ka Nyagatoma haravugwa umuco bamwe mu bagabo baho badukanye wo guta ingo zabo bakajya gushaka abagore badafite abana benshi kugirango babone uko barya bagahaga.

Ibi byagarutsweho na bamwe mu bagore bo muri uyu murenge, aho bavuga ko bugarijwe n’ikibazo cy’uko abagabo babo babona babyaranye abana benshi bagahitamo guhunga urugo bakishakira ahari bacye.

Bamwe mu baganiriye n’igitangazamakuru cya Flash, bavuga ko basanga iyi ngeso iterwa n’inda nini ituma abagabo bata inshingano.