Abafana ba Chelsea bashonje bahishiwe, Todd Boehly aratanga ikizere, gusa imutima ntiri hamwe.

Ubwami ndetse n’ ubuyobozi bwa Roman Abrahmovich bwari bumaze imyaka igera kuri 19 buriho, mu mezi abiri shize bwatangiye guhanguka ndetse ntibyatinze binarangira ikipe igurishijwe.

Abayiguze bashya bagiye kurwana n’ikibazo cy’uko Roman Abrahmovich yari yaramenyereje abafana ba Chelsea ibyiza byinshi ndetse no kugura abakinnyi bakomeye.

Muri gahunda nshyashya Todd Boehly nyiri Chelsea mushya yashyizeho we n’abo bafatanije ni ukubaka gahunda y’igihe kirekire ndetse izatanga impano nyinshi z’abana batanga ikizere.

Ibi bigiye gutandukana nibyari biriho kuko Chelsea yaguraga umukinnyi ukomeye kandi witeguye guhita atanga umusaruro.

Gusa Todd Boehly nawe yemeza ko Chelsea atari ikipe iciriritse uburyo yabura ibikombe, yizeza afana ko bazakora ibishoboka byose Chelsea ikaguma hejuru.

Abafana igishyika ndetse no guhangayika biracyari byose dore ko Roman Abrahmovich yari umugabo w’igitangaza ndetse ushaka instinzi ku bubi na bwiza.