Abafana ba Arsenal bongeye kumerera nabi umutoza Arsene Wenger(Impamvu)

Nyuma yuko umutoza Arsene Wenger yongeye amasezerano y’imyaka ibiri mu ikipe ya Arsenal, ndetse abafana ba Arsena bakaba baramusabye kugura abakinnyi bakomeye kugirango muri Saison itaha ikipe izabashe kwitwara neza. Nyuma yo kumuha agahenge ko gushakisha no kurambagiza abakinnyi bakomeye kandi beza, kurubu bongeye kumuhagurukira bamusaba kugura umukinnyi wayihozemo akanayikorera mo amateka meza.

Amakuru dukesha ikinyamakuru Dailystar aravuga ko abafana b’ikipe ya Arsenal bazindukiye ku kibuga cy’imyitozo y’abana batarengeje imyaka 20 bafite ibyapa byanditse ho ngo:” We want Fabregas Home:” bishatse kuvuga ngo:” Turashaka Fabregas mu rugo.” Ibi bivuze ko abafana b’ikipe ya Arsenal bifuza kongera kubona Fabregas ubu ukinira ikipe ya Chelsea agaruka mu ikipe ya Arsenal kandi bakamugura muri iyi mpeshyi. Tukaba dutegereje kureba uko Arsene Wenger azabyitwaramo.