Ababyeyi b’umukinnyi ukomeye cyane muri Liverpool bashimuswe

Ababyeyi bombi ba Luis Díaz ukina mu ikipe ya Liverpool yo mu Bwongereza bashimutiwe aho batuye muri Colombia.

Kuwa Gatandatu nibwo iki gikorwa cyabaye. Se ubyara uyu mukinnyi, Luis Manuel Díaz ndetse na nyina Cilenis Marulanda bari bari kuri sitasiyo ya Essence bari mu modoka yabo aho n’ubundi basanzwe batuye mu gace ka Barrancas maze abagabo babiri bitwaje intwaro bahita bagenda bayijyamo barayitwara nabo barimo.

Nyuma yuko iki gikorwa kibaye Guverineri w’agace ka La Guajira yamaganye iki gikorwa cyo gushimuta anavuga ko hatangiye igikorwa cyo gushaka ababyeyi ba Luis Díaz.