Yigize umukozi w’ibitaro birangira yibye uruhinja rumwe mu mpanga zari zavutse

Impanga zavutse zibwe mu kigo cy’ababyeyi mu bitaro bya Abubakar Tafawa Balewa University Teaching Hospital biri i Bauchi.

Se w’impanga zavutse, Ibrahim Dallami Khalid waganiriye na Daily Trust, yavuze ko umwana we yibwe n’umugore wari wigize nk’umuyobozi w’ibitaro.

Bwana Khalid avuga ko uyu mugore yinjiye mu cyumba umugore we n’impanga bari barimo ku wa gatatu, tariki ya 21 Nzeri 2022.

Yavuze ko uyu mugore yabwiye umugore we ko umwe mu bana bavutse agiye kuvurirwa mu kindi cyumba cyo mu bitaro, aho nyuma yo kujyana umwana atigeze agaruka.

Khalid akomeza avuga ko kuva umugore we yamenya ibyabaye yahise ata ubwenge.

Umuyobozi wa komite ngishwanama y’ubuvuzi bw’ibitaro, Dr. Haruna Liman, yavuze ko ibyabaye bidahitse.

Ati: “Twabwiwe ko uwibye umwana yagiranye umubano n’umurwayi na mwene wabo babanaga kandi ko yakurikiraniraga hafi imigendere yabo.”

“Igihe uwibye umwana yazaga gutora umwe mu bana, nyina yamushyikirije ku bushake umwana kandi nta muntu n’umwe wakekaga ko atigeze atangaza ko umwana we adahari.”

Umuvugizi w’ubuyobozi bwa polisi y’igihugu, SP Ahmed Mohammed Wakil, na we yemeje ibyabaye, yongeraho ko iperereza ryatangiye mu rwego rwo guta muri yombi ukekwaho icyaha.