Yakatiwe amezi abiri muri gereza nyuma y’uko se amwimye ibiryo agashaka kumugirira nabi

Umusore w’imyaka 28 yakatiwe igifungo cy’amezi abiri kubera gukangisha kugirira nabi se.

Benson Musyoka yakanze papa we, Musyoka Kisavu ko azamugirira nabi kubera kwanga kumwitaho nkuko we abitangaza.

Urukiko rwumvise ko ushinjwa (Benson Musyoka) ari umubaji, yahawe na se icumbi ariko akomeza gusaba ko yahabwa ibiryo n’ibindi bikenerwa by’ibanze. Ibyo byose uyu musore yasabaga se ntabwo abishoboye kuko arashaje.

Nyuma gato yo kwiregura ku byaha Benson aregwa, umuyobozi mukuru wa Mombasa, Vincent Adet, yategetse ko Benson Musyoka ajyanwa muri gereza ya Shimo La Tewa GK mu gihe cy’amezi abiri.

Adet ati; “Ntekereza ko ufite imyaka y’ubukure, kandi ntibikwiye ko ukangisha kugirira nabi so, igihe wemeye ibyo wakoze, urukiko ruzagukatira kugeza ku mezi abiri kugirango ukosore imico yawe. ”

Iki kirego cyageze mu biganza by’urukiko nyuma yo kunanirwa kungwa n’abayobozi b’inzego z’ibanze.