Kubwayo Mc croix
Umuhanzi w’icyamamare wo muri Nigeria, Wizkid, agiye kongera gusura u Rwanda nyuma y’imyaka umunani. Wizkid yaherukaga i Kigali mu 2016, aho yaririmbye mu bitaramo binyuranye birimo Mutziig Beer Fest.
Kuri iyi nshuro, Wizkid azagera i Kigali ku wa 23 Ukuboza 2024, mu rugendo rwo kumenyekanisha Album ye ya gatandatu yise Morayo, yasohotse ku wa 22 Ugushyingo 2024. Iyi Album yayituye nyina, Juliana Morayo Balogun, witabye Imana muri Nzeri 2023. Nubwo azagirana ibiganiro n’abahanzi b’imbere mu gihugu, nta gitaramo ateganya gukora.
Wizkid, uzwi mu ndirimbo nka Socco, Fever, na Brown Skin Girl, amaze gukorana n’ibyamamare nka Drake, Beyoncé na Chris Brown, ndetse akunzwe mu njyana ya Afrobeat.
