Uwihirwe
Wa mu motari wa Nyakabanda abajura baherutse gukura amenyo atandatu, bagarutse bamwiba na moto
Nshimyumuremyi Bienvenue uherutse gukurwa amenyo 6 n’abagizi ba nabi ararira ayo kwarika nyuma yuko na moto ye bayitwaye.
Uyu musore akeka ko abamukuye amenyo aribo bamutwariye na moto, yagize ati ” umusore yarambwiye ngo mutware tujye Kabeza, tugezeyo yavuye kuri moto ajya kuvugira kuri telefone, ajya no kugura itabi, avuyeyo turongera dusubira mu Nyakabanda, ubwo nibwo yavuye kuri moto agiye kunyishyura arambwira ngo inze nsuhuze inshuti ye, ngarutse nsanga moto barayitwaye”.
Uyu musore akomeza avuga ko ababazwa no kubona abamukuye amenyo bakomeza kwidedembya aho hanze bakaba batarashyikirijwe ubutabera, ndetse abamukuye amenyo baramubwira ngo nakomeza kubagendaho n’asigayemo bazayakura.
Ubuyobozi bwo mu gace atuyemo bumugira inama yo kwimuka muri ako gace akagenda.
