Kubwayo Mc croix
Igiciro cy’umukinnyi ku isoko ry’igura n’igurisha kizamurwa n’uko yitwara mu kibuga ariko kandi bikanajyana n’imyaka ye muri rusange. Uru nirwo rutonde rw’amakipe 10 y’ibihugu byo muri Afurika afite abakinnyi bahenze cyane kurusha abandi nk’uko tubikesha urubuga rwa Transfermarkt.
10. Repubulika Iharanira Demokarasi ya Kongo
Ikipe y’igihugu ya Repubulika Iharanira Demokarasi ya Kongo ibarirwa ku gaciro ka miliyoni €115.25, iyi kipe kandi ikaba iza ku mwanya wa 73 ku isi ku rutonde rwa ngarukakwezi rwa FIFA. Abakinnyi bayo bakaba bari mu kigereranyo cy’imyaka 27 n’ukwezi kumwe.
9. Misiri
Ikipe y’igihugu ya Misiri ibarirwa ku gaciro ka miliyoni €124.60, iyi kipe kandi ikaba iza ku mwanya wa 39 ku isi ku rutonde ngarukakwezi rwa FIFA. Abakinnyi bayo bakaba bari mu kigereranyo cy’imyaka 28 n’amezi 4.
8. Mali
Ikipe y’igihugu ya Mali ibarirwa ku gaciro ka miliyoni €172.05, iyi kipe kandi ikaba iza ku mwanya wa 46 ku isi ku rutonde ngarukakwezi rwa FIFA. Abakinnyi bayo bakaba bari mu kigereranyo cy’imyaka 25 n’amezi 2.
7. Cameroon
Ikipe y’igihugu ya Cameroon ibarirwa ku gaciro ka miliyoni €178.25, iyi kipe kandi ikaba iza ku mwanya wa 43 ku isi ku rutonde ngarukakwezi rwa FIFA. Abakinnyi bayo bakaba bari mu kigereranyo cy’imyaka 26 n’amezi 6.
6. Algeria
Ikipe y’igihugu ya Algeria ibarirwa ku gaciro ka miliyoni €206.55, iyi kipe kandi ikaba iza ku mwanya wa 37 ku isi ku rutonde ngarukakwezi rwa FIFA. Abakinnyi bayo bakaba bari mu kigereranyo cy’imyaka 25 n’amezi 8
5. Ghana
Ikipe y’igihugu ya Ghana ibarirwa ku gaciro ka miliyoni €217.48, iyi kipe kandi ikaba iza ku mwanya wa 61 ku isi ku rutonde ngarukakwezi rwa FIFA. Abakinnyi bayo bakaba bari mu kigereranyo cy’imyaka 25 n’amezi 4.
4. Senegal
Ikipe y’igihugu ya Senegal ibarirwa ku gaciro ka miliyoni €263.20, iyi kipe kandi ikaba iza ku mwanya wa 18 ku isi ku rutonde ngarukakwezi rwa FIFA akaba ari nayo kipe iri hafi mu makipe yo muri Afurika cyane ko ari nayo iherukana kwegukana igikombe cy’Afurika. Abakinnyi bayo bakaba bari mu kigereranyo cy’imyaka 26.
3. Cote d’Ivoire
Ikipe y’igihugu ya Cote d’Ivoire ibarirwa ku gaciro ka miliyoni €296.08, iyi kipe kandi ikaba iza ku mwanya wa 48 ku isi ku rutonde ngarukakwezi rwa FIFA. Abakinnyi bayo bakaba bari mu kigereranyo cy’imyaka 25 n’amezi 7.
2. Marocco
Ikipe y’igihugu ya Maroc ibarirwa ku gaciro ka miliyoni €299.65, iyi kipe kandi ikaba iza ku mwanya wa 22 ku isi ku rutonde ngarukakwezi rwa FIFA. Abakinnyi bayo bakaba bari mu kigereranyo cy’imyaka 26 n’ukwezi kumwe.
1. Nigeria
Ikipe y’igihugu Nigeria ibarirwa ku gaciro ka miliyoni €365.10, iyi kipe kandi ikaba iza ku mwanya wa 32 ku isi ku rutonde ngarukakwezi rwa FIFA. Abakinnyi bayo bakaba bari mu kigereranyo cy’imyaka 25 n’amezi 5.
Nk’uko uru rutonde rubigaragaza amakipe yiganjemo ni ayo muri Afurika y’Iburengerezabu mu gihe ikipe yo muri Afurika y’Iburasirazuba iri bugufi mu kugira ikipe y’igihugu ihagaze agaciro kari hejuru ari Kenya iza ku mwanya wa 20 ihagaze miliyoni €23.35, u Burundi buza ku mwanya wa 23 buhagaze agaciro ka miliyoni €18.78 naho ikipe y’igihugu y’u Rwanda Amavubi aza ku mwanya wa 45 n’agaciro k’ibihumbi €875 mu makipe y’ibihugu yo muri
Afurika afite abakinnyi bahenze.
