Umusore w’umunyarwanda wize mu Burusiya akaba asabiriza ku muhanda akomeje gutera benshi agahinda

Umusore w’imyaka 33 witwa Mwizerwa Bonavanture akomeje gutera benshi agahinda kubera uburyo asabiriza kandi yarize mu Burusiya kandi yari umuhanga.Uyu musore atuye i Kigali I Nyamirambo ahitwa Rwezamenyo.

Avuga ko urugendi rwe rw’amashuri rwamugejeje mu Burusiya kwigayo kaminuza ariko ubu ubuzima bukaba ari bubi cyane.Uyu musore yavuze ko ubwo yakoraga ikizamini cya Leta mu mwaka wa Gatandatu yari yabaye uwa 10 mu ba mbere mu gihugu cyose.Nyuma Leta y’u Burusiya yatanze ama buruse bityo ahita ajya kwigayo isomo ry’amateka.

Mwizerwa yavuze ko yahise aba doctor mu by’amateka(history).Ntibyatinze uyu musore yahise afatwa nindwara yataka imitekerereze ya muntu agatangira kwitwara bidasanzwe,iyi ndwara izwi nka (schizophrenia).

Uyu musore yagombaga kwigayo imyaka 6 kugirango abe arangije iyo level(masters).Byabaye ngombwa ko umuvandimwe we wanamufashije kumwakira amwohereza mu Rwanda aho yaje kubana na mubyara we.

Ageze mu Rwanda yahise ajyanwa i Ndera mu bitaro kurwarirayo kuko yari ageze ubwo yumva amajwi namashusho gusa ,amazeyo amezi 4 yaratashye atangira kujya amenya abantu.

Yavuze ko yaje koroherwa ndetse nindwara zo kwikubita hasi zari zaraje nkinkurikuzi zararangiye.Kuri ubu uyu musore abana na mubyara we ukora ikiyede akamwitaho na we iyo yabonye akabaraga akora akazi ko gufurira abantu bakamuha udufaranga.