Umuraperi Sky2 Wabagahe aratabaza nyuma yo guhondagurwa n’abafande

Thimotee Hahirwabasenga wamamaye mu mazina ya Sky2 Wabagahe arataba nyuma yo guhondagurwa n’abafande mu ijoro rya shize.

Abinyujije kumenyekanisha (status) ye ya WhatsApp, uyu muraperi akaba n’umusesenguzi yanditse atabaza abamukurikira ababwira ko ari kurenganwa mu murenge atuyemo wa Nduba ko yaraye ahondaguwe n’abafande.

Yagize ati:”Mwaramutse neza mu murenge aho ntuye ndi kurenganwa nukuri bayobozi mudushinzwe muntabare kuko sinzi icyo nzira ntuye mu murenge wa Nduba n’ijoro umuntu yampamagaye ngo nze murebe mpageze nkubitwa n’abafande mu kabari kandi mwese murabizi ko ndwaye ijisho nakirijwe ingumi zo mu jisho nditabara kugirango ritameneka nkeneye ubufasha bwanyu kuri buri wese ubonye buno butumwa. Murakoze!”.

Sky2 azwi mu ndirimbo zirimo:Icara wige,Batoneke,Nibyunkoze n’izindi akaba ari n’umusesenguzi kuri YouTube yifashishije umwandiko yise “Icara wige”.