HARAGIRIMANA Dieudonne
Umuramyi Serge Iyamuremye umaze iminsi yituriye muri Leta Zunze Ubumwe za America ,yasezeranye imbere y’Imana n’umukunzi we Uburiza Sandrine bari bamaze igihe mu munyenga w’urukundo ,
Ni umuhango wabereye mu mujyi wa Dallas muri Leta ya Texas , muri Leta Zunze Ubumwe za America ,witabirwa n’inshuti n’abavandimwe ba Serge Iyamuremye na Uburiza Sandrine
Urukundo rwa Serge Iyamuremye na Uburiza Sandrine rwatangiye kuvugwa cyane mu itangazamakuru mu mwaka wa 2020 , ndetse yaba Sandrine na Serge batangira gusangiza abakunzi babo ku mbuga nkoranyambaga amafoto y’ibihe byiza bagirana.
Nyuma yaho mu mwaka wa 2022 , nibwo Serge Iyamuremye yari yerekeje muri Leta Zunze Ubumwe za America asanzeyo umukunzi we.
Serge na Sandrine basezeranye imbere y’Imana n’abantu ku cyumweru tariki 01 Mutarama 2023 ,mu mujyi wa Dallas, Serge Iyamuremye azwi cyane mu ndirimbo zo kuramya no guhimbaza ,akaba yaramenyekanye cyane mu yitwa arampagije na Yesu agarutse.
