HARAGIRIMANA Dieudonne
Umuhanzi akaba n’utunganya indirimbo (producer) n’umwarimu w’umuziki Igor Mabano yashyize hanze amafoto y’umwana we aramutakagiza ntiyibagirwa Laura umufasha we barushinze mu mwaka wa 2021.
Ubwo imfura ya Igor Mabano yizihizaga isabukuru y’umwaka 1 kuri uyu wa mbere tariki 20 Gashyantare 2023 , itariki uyu mwana wa Igor yavutseho , yagiye ku rukuta rwe rwa instagram ashyiraho amafoto atandukanye y’umwana we n’ibihe byiza bagirana buri munsi na nyina maze ayaherekeresha amagambo yari yuzuye imitoma.
Igor yagize ati:” Wanejeje umutima wacu , wanejeje imiryango yacu , uzahore usa n’Imana yakuremye na Mabano ndanezerewe , Nshima Imana ku bwawe ,komeza ukure ujye ejuru cyane ,you’re my blessings (uri umugisha wanjye) ,my little Angle ( umu malayika wanjye muto) , i can’t believe ko uva mu buzima bwanjye”
Mabano yakomeje agira ati:” Ukaba warabaye amezi 9 muri paradizo Imana yahaye mama wawe Laura Colette ugatuma ahora aseka wa mubabaza akabimbwira ntakuzi , nkasenga Imana ngo izampe ku kubona none urakura bikandenga “
Mu magambo menshi uyu muhanzi yanditse amenshi yari ayo kwifuriza ibyiza umwana we no kumubwira ko amukunda ariko kandi asoza yibutsa umugore we urwo amukunda , maze yandika agira ati :”ndagukunda Laura”
Igor Mabano yatakagije umwana we
