HARAGIRIMANA Dieudonne
Ku mbuga nkoranyambaga zitandukanye muri Nigeria hasakaye amashusho agiye atandukanye y’umukobwa winjiye mu Ishuri yigamo yambaye ikanzu y’ubukwe agiye gukora ikizamini nyuma y’uko umunsi w’ubukwe bwe uhuriranye n’umunsi w’ikizamini.
Uyu mukobwa wiga muri kaminuza ya Kwara State Polytechnic iherereye mu mujyi wa Ilorin muri leta ya Kwara yatunguye abantu ubwo yasesekaraga kuri iyi kaminuza yigamo ari mu ikanzu y’ubukwe aje gukora ikizamini nk’abandi nyuma y’uko umunsi w’ubukwe bwe wari wahuriranye n’umunsi yari gukoreraho ikizamini gisoza igihembwe.
Mu mashusho yashyizwe ku rubuga rwa Instagram yerekanaga uyu mukobwa ari kwinjira ndetse anasokoka aho yakoreraga ikizamini yambaye ikanzu y’ubukwe arinako abantu bari hafi aho bamwitegerezaga cyane ubona ko batunguwe.
