Umugabo w’imyaka 60 yatawe muri yombi akekwaho kugira uruhare mu rupfu rw’umugore bari bararanye

Munyarukiko Jean w’imyaka 60, afunzwe akekwaho kugira uruhare mu rupfu rwa Nyiramugisha Solange bararanye mu mpera z’icyumweru dusoje.

Ibi byabereye mu Karere ka Rutsiro mu Ntara Y’uburengerazuba mu murenge wa Ruhango, aho uyu Solange w’imyaka 34 ukomoka mu Karere ka Rubavu yasuraga uyu musaza.

Amakuru dukesha UMUSEKE, ni uko uyu mugore yasuye uyu musaza ku wa Gatandatu maze ku cyumweru uyu musaza aza guhamagaza abajyana b’ubuzima ko umushyitsi we atameze neza.

Umujyanama w’ubizima yaraje gusa biba ibyubusa dore ko uyu mugore w’imyaka 34 yaje kwitaba Imana.

Ku wa mbere, Jean yamenye ko uwo bararanye yitabye Imana ahita acika inzego z’umutekana gusa nyuma yaje gufatwa ajyanwa gufungwa.

Munyarukiko Jean yibanaga mu nzu ye wenyine nyuma yo gutandukana n’umugore we.

Kugeza Munyarukiko Jean ukekwa kugira uruhare mu rupfu rwa nyakwigendera afungiye kuri Sitasiyo ya polisi ya Ruhango mu gihe iperereza rigikomeje.