Uwihirwe
Umubyeyi we yatabarutse agifite amezi 6 gusa! Menya aho ubutwari bwa Miss Jolly abukomora
Mutesi Jolly umwe mu bakobwa bahataniye ikamba rya Miss Rwanda ndetse bakanaryegukana, ni umukobwa ukomeza kugaragaza ubutwari cyane mu byo akora byose.
Uyu mukobwa kenshi yumvikana mubyo avuga yirahira izina rya Se, ndetse ngo mu bintu bimubabaza cyane ni uko atagize amahirwe yo kumenyana na Se ndetse ngo banaganire.
Gusa iyo abajije Mama we n’inshuti za Se za kera bamubwira ko Ise yari umuntu w’indashyikirwa muri Sosiyete ndetse ngo yari umuntu ufite amahame agenderaho, yari umuntu wanga akarengane, ukunda abantu ndetse nawe ukundwa n’abantu. 
Ndetse iyo aganiriye n’inshuti za hafi y’umuryango zimubwira ko agenda nka Se, ndetse ngo kuri we aba yumva ashaka gukora ibyo Ise atakoze.
Kenshi cyane Jolly yumvikana atanga inama ku bana b’abakobwa, abagira inama yo kwigira kurenza uko bagirwa n’abandi. Ndetse inama za Jolly ni inama zahinduriye benshi ubuzima abandi zibaha amahame y’ubuzima.
Jolly kenshi aharanira uburenganzira bwa Muntu, cyane cyane umwana w’umukobwa. 
