Epaphrodite Nsengimana
Umuhanzi Safi Madiba yashyize hanze amafoto n’amashusho agaragaza ko ari mu rukundo na Uwase Gisele, umukobwa uba muri Canada, aho na we atuye. Yemeje ko bakundana ariko yirinze gutangaza byinshi, avuga ko azabitangaza igihe gikwiye.
Uyu muhanzi aheruka mu Rwanda muri Ukuboza 2024, aho yari yaje mu biruhuko no guhura n’uyu mukobwa. Ni nyuma y’imyaka itanu atandukanye n’uwahoze ari umugore we Niyonizera Judith, bikaba byaratumye yitonda mu gushaka umukunzi mushya.
Safi Madiba yamenyekanye cyane mu muziki wa R&B na Afrobeat nk’umwe mu batangije itsinda Urban Boys. Yari umwe mu bahanzi bakunzwe, ariko mu 2017, yaje kwiyemeza gukora umuziki ku giti cye, asohora indirimbo zakunzwe nka Fine, Kimwe Kimwe, n’izindi.
Nyuma yo gutandukana n’umugore we, yahisemo kwimukira muri Canada, aho akomeje ubuzima bwe bw’umuziki. Afatwa nk’umwe mu bahanzi bafite uruhare rukomeye mu iterambere rya muzika nyarwanda.
