Safi Madiba wari umaze igihe kirekire atigaragaza mu muziki, agiye kongera kugaragara ku rubyiniro

Umuhanzi Safi Madiba yatangaje ko agiye gukorera igitaramo cye bwite mu Mujyi wa Vancouver muri Canada, azamurikiramo Album ye yise “‘Back to life” aherutse gushyira hanze.

Iki gitaramo giteganyijwe tariki 30 Ukuboza 2023, itariki benshi bari baketse ko ashobora gukoreraho ubukwe nyuma y’uko ashyize hanze integuza, gusa ntatangaze neza ikizaba kuri uyu munsi.

Nyuma y’iki gitaramo byitezwe ko Safi Madiba azahita atangira uruhererekane rw’ibitaramo ashaka kuzakorera muri Leta Zunze Ubumwe za Amerika, Canada, i Burayi, mu Rwanda n’ahandi.