Rwanda : Bwa mbere mu mateka umusore ugiye kurongora yakorewe ibirori byo gusezera ubuseribateri

Bimenyerewe ko umukobwa cyangwa umugore ugiye kurushinga inshuti n’abavandimwe baterana kugirango bamuhe impano ,impanuro ndetse asezere ku rungano rwe.Ibi ntibimenyerewe ku bantu b’igitsinagabo. Gusa kuri ubu hari umusore uherutse gukorerwa igikorwa nk’iki mu Rwanda ubwo yasezerwaho n’abasore bagenzi be yitegura kurushinga.

Uyu musore wakoze agashya yitwa Impano Noe akaba atuye mu mujyi wa Kigali. Uyu musore akaba yarateguye igisa na Bridal Shower maze bagenzi be bamuha impano zitandukanye.

Nk’uko yasangije amafoto abakunzi be, uyu musore yakorewe ibi birori kuwa Gatanu tariki 28 Mutarama 2022, iwe aho atuye i Kigali .Mu mafoto Noe yari yambaye umwambaro wanditse umugabo to be cyangwa se uwitegura kuba umugabo.Ibi birori byari byateguwe n’abasore bagenzi be bifuzaga kumusezeraho , no kumwifuriza urugo ruhire.