Rutsiro: Umusore yasanzwe mu mugozi yapfuye

Byabereye mu mudugudu wa Cyondo, akagari Kaguriro, murenge wa Mushonyi mu karere ka Rutsiro,mu ijoro ryo ku wa 07 nzeri 2022 umusore w’imyaka 23 yasanzwe mu mugozi yapfuye.

Abana barimo batunda ifumbire nibwo babonye uyu musore anagana mu giti yapfuye ari mu mugozi amanitse mu giti bihutira gutabaza.

Umunyamabanga Nshingwabikorwa w’Umurenge wa Mushonyi, Mwenedata Jean Pierre yabwiye IGIHE dukesha aya makuru ko uyu musore nta makimbirane azwi yari afitanye n’umuntu uwo ari we wese.

Ati “Ni umwana ababyeyi be bavuga ko yari afite uburwayi bwo mu mutwe. Yabyutse saa sita z’ijoro, abana bamubona mu gitondo mu giti yapfuye, birakekwa ko yiyahuye”.