Rubavu: Yatawe muri yombi nyuma yo gushaka gutera icyuma uwo yari agiye gukoresha ubutinganyi ku gahato

Mu karere ka Rubavu mu murenge wa Gisenyi ho mu kagari ka Kivumu mu mudugudu wa Ubutabazi haravugwa inkuru y’umugabo w’imyaka 30 watawe muri yombi akurikiranyweho gushaka gusambanya umwana w’umuhungu w’imyaka 17.

Umuyobozi ushinzwe Irangamimerere mu Murenge wa Gisenyi, Ndagijimana Serunyenyeri Innocent, yabwiye Umuseke dukesha iyi nkuru ko ukekwaho biriya yamaze gushyikirizwa inzego z’Ubugenzacyaha.

Yagize ati “Ni abantu bivugwa ko bari banyoye, basangiye baraza bageze muri uwo Mudugudu, ashaka gufata mugenzi we ku ngufu. Ubu ari kuri sitasiyo y’Urwego rw’Igihugu rw’Ubugenzacyaha, RIB, i Gisenyi.”

Hamenye amakuru ko ukekwaho ayo mahano yasanganwe imiti ikoreshwa n’abakinnyi ndetse kandi yari afite icyuma ashaka kugitera uwo mwana, wagifashe  kimukomeretsa byoroheje.