RIP Théodomile! Uwari umukozi mu karere yasanzwe mu ishyamba yapfuye

Mu karere ka Kirehe mu murenge wa Nasho mu kagari ka Ntaruka haravugwa inkuru y’umuyobozi waka karere witabye Imana umurambo we usangwa mu nzira bikekwa ko yishwe.

Uyu muyobozi witwa Théodomile Ndizeye wari Ushinzwe imibereho myiza n’iterambere mu Kagari ka Ntaruka (SEDO), umurambo we wasanzwe ku musozi mu ishyamba, wabonwe n’abana ubwo bari mu ishyamba batashya inkwi

Aho uwo murambo bawusanze, ni muri metero zirenga 200 uvuye ku nzira yerekeza ku Kagari ka Ntaruka, aho yari asanzwe akorera.

Uwo muyobozi yari afite umugore n’abana babiri, aho yari amaze umwaka umwe ari umukozi w’ako kagari.

Kugeza ubu umurambo wa nyakwigendera wajyanywe gupimwa ku Kacyiru ngo hamenyekane icyo yazize. Inzego z’umutekano zihita zitangiza iperereza kugira ngo hamenyekane icyamwishe.