Uwihirwe
RIP Cynthia: umunyeshuri witwa Cynthia wigaga muri kaminuza yasanzwe mu nzu yapfuye nyuma y’iminsi mike bashyinguye undi munyeshuri.
Umwana w’umukobwa witwa Cynthia Mutinda wigaga muri kaminuza ya Daystar University yo muri Kenya yasanzwe mu nzu aho yari acumbitse yapfuye.
Nkuko byatangajwe na polisi ya Kesses, yavuze ko mbere y’uko uyu mukobwa yitaba Imana yari yabanje kujya mu birori n’inshuti ze. 
Ubwo uyu mukobwa yatahaga, nyuma inshuti ze zaje kumuhamagara telefone igacamo ariko hakabura uyitaba, nibwo inshuti ze zafashe umwanzuro wo kujya kumureba aho atuye.
Zigezeyo zasanze urugi rufungiye mo imbere, inshuti ze zamennye idirishya zirebye mo imbere zibona Cynthia aryamye ku buriri, ako kanya zahise zihamagara polisi.
Umuvugizi wa Polisi mu gace ka Kesses yavuze ko ntakintu kigaragara cyaba kishe uyu mukobwa ndetse ko bigaragara ko nta muntu wabigizemo uruhare, gusa iperereza rirakomeje. 
Uyu mukobwa kandi apfuye hari hashize igihe gito undi munyeshuri nawe wigaga muri iyi kaminuza ya Daystar University yitabye Imana, we basanze yatewe icyuma.
