Geovanis
Umuhanzi nyarwanda umwe mu bafite ijwi rihogoza benshi Yvan Buravani kuri ubu ntago ubuzima bwe bumeze neza cyane kuko arwaye ndetse ari mu bitaro hanze y’igihugu muri India.
Nyuma y’uko agiye kwivuriza hanze, hagaragaye abantu batangiye kujya biyitirira Buravani bakaka amafaranga y’ubufasha kugira ngo Buravani avurwe kandi ari abanyamitwe babeshya.
Abantu bamaze kumenya ko hari abatangiye guteka imitwe kugira ngo bahabwe amafaranga, bahise bashyikiriza ikirego RIB kugira ngo buri wese wiyitirira Buravani agamije kwiba abantu abiryozwe.
Umuvugizi wa RIB, Dr Murangira B. Thierry, yasabye abantu kugira amakenga mbere yo batanga amafaranga.
Ati “ Gufasha si bibi ariko ni byiza ko umuntu yajya abanza kugenzura akamenya ko uwo agiye gufasha ari we koko. Abantu bakwiriye kwirinda gukoreshwa n’amarangamutima kuko nibwo buryo abashuka abandi bakoresha.”
