Moise Mfitumukiza
Mu ntambara y’amagambo imaze iminsi hagati y’umuhanzi Papa cyangwe na K1vumbi King, rukomeje kubura gica doreko noneho nyuma y’indirimbo yasohotse ku mugoroba washize, kuri ubu Kivumbi yamaze kugenera ubutumwa bushya papa cyangwe bugendanye n’iyi ndirimbo.
Abiinyujije ku rukuta rwe rwa Twitter, Kivumbi yabajijwe niba arajya gukora indirimbo isubiza iyi Papa cyangwe yamuuririmbiye, yasubije mu magambo y’icyongereza ati:”I will tell you this straight up, he is NOT getting a diss track from me. Someone hug him and tell him that he is loved.”
Ugenekereje mu kinyarwanda, yagize ati:”Ndakubwiza ukuri kwambaye ubusa, nta ndirimbo imusubiza uzumva inturutseho. Hagire umuhobera amubwire ko akunzwe.”
Guterana amagambo kw’aba bahanzi bombi byaturutse ku kuba umwe mu bakoresha urubuga nkoranyambaga yarabagereranyije, Kivumbi akavuga ko adasuzuguye Papa cyangwe ariko yumva batagereranywa.
