M.Ben
Ngoma: Ubuvumo buzwi nka ‘Gabanyifiriti’ bwakorerwagamo amasengesho y’imbatura mugabo bwafunzwe.
Ubuyobozi bw’Akarere ka Ngoma bwafunze ubuvumo abaturage bo mu Murenge wa Kibungo bakundaga kujya gusengeramo, abenshi bakaba bavugaga ko bahasubirizwa bimwe mu bibazo baba bafite.
Ubu buvumo bwiswe ‘Gabanyifiriti’ buherereye mu Kagari ka Gahima mu Murenge wa Kibungo.
Kugira ngo ubwinjiremo usesera ahantu mu mwobo ukinjira mu rutare ari naho benshi bakunze kujya gusengera biherereye ngo bakanahabonera ibisubizo by’ibibazo byabo.
Umunyamabanga Nshingwabikorwa w’Umurenge wa Kibungo, Singirankabo Jean Claude, yabwiye IGIHE dukesha iyi nkuru ko bafunze ubu buvumo bwa ‘Gabanyifiriti’ mu gukumira ko hari abaturage bazahagirira ikibazo ngo kuko hari ahantu habi cyane.
