Muhanga: Haguye urubura rwapfumaguraga amabati ashaje ndetse runatwara ubuzima bw’amatungo (AMAFOTO)

Ku munsi w’ejo hashize mu karere ka Muhanga haguye imvura nyinshi ivanze n’urubura yica amatungo y’abaturage yangiza n’imyaka itandukanye mu murenge wa Rongi.

Imvura irimo urubura rwinshi yaguye ku mugoroba wo kuri uyu wa 09 Werurwe, 2023  mu Mudugudu wa Horezo, Akagari ka Ruhango mu Murenge wa Rongi yica ihene 4 z’abaturage, yangiza imyaka myinshi  n’ubwatsi bw’amatungo.

Umunyamabanga Nsingwabikorwa w’Umurenge wa Rongi, Nsengimana Oswald avuga ko  nubwo nta barura barakora ry’ibyo uru rubura rwangije, ariko raporo bafite yemeza ko  Hegitari 2 z’ibirayi, ubwatsi bw’amatungo buri ku buso bwa hegitari 6 byangiritse.

Si ibyo gusa byangiritse ahubwo ngo hari umurima w’ibijumba byari bihinze kuri Hegitari 2 rwangije.

AMAFOTO