#Kwibuka27:Ikipe ya Arsenal yageneye ubutumwa buhumuriza Abanyarwanda muri iki gihe cyo kwibuka Jenoside yakorewe Abatutsi.

Mu gihe u Rwanda rurimo kwibuka Jenoside yakorewe Abatutsi ku nshuro ya 27, ikipe ya Arsenal yageneye Abanyarwanda ubutumwa bw’ihumure.

Ikipe ya Arsenal ikina mu cyiciro cya mbere mu Bwongereza, yifatanyije n’Abanyarwanda ndetse n’inshuti z’u Rwanda mu kwibuka ku nshuro ya 27 Jenoside yakorewe Abatutsi mu 1994, ndetse banatanga ubutumwa bw’ihumure.

Ku rukuta rwa Twitter rw’iyi kipe, batambukijeho ubutumwa tugenekereje mu kinyarwanda bugira buti “Iyo dufunguye ndetse tukagaruka ku byahise, dushobora kubaka ejo hazaza heza, duhagararanye n’u Rwanda mu kwibuka ku nshuro ya 27 Genocide yakorewe abatutsi mu 1994.”