Kimisagara: abaturage bahuruye kubera umurambo

Mu gitondo cyo ku wa Gatandatu, tariki ya 14 Mutarama 2023, ni bwo uyu murambo wabonywe n’umuntu wigenderaga ajya ku kazi bituma abaturage benshi bahurura.

Uyu murambo w’umugabo w’imyaka 49 ukimara kugaragara, abaturage bahise bahurura ndetse banatabaza inzego z’umutekano.

Uwitwa Habiyambere yagize ati “Ni umuntu bishe ni ko twabibonye.”

Umunyamabanga Nshingwabikorwa w’Umurenge wa Kimisagara, Kalisa Jean Sauveur, yavuze ko hari umurambo wasanzwe mu ishyamba.

Yakomeje ati “Ni byo uwo murambo wasanzwe mu ishyamba. Uwapfuye ni uwo muri Kicukiro.”

Amakuru ajyanye n’icyahitanye nyakwigendera ntaramenyekana ndetse iperereza rirakomeje.

Umurambo w’umugabo witwa Bizimungu uvuka mu Karere ka Kicukiro ukab wagaragaye mu ishyamba riherereye mu Kagari ka Kimisagara mu Murenge wa Kimisagara mu Karere ka Nyarugenge.