Kigali: Imvura yaraye iguye i Nyarugenge yasize abantu iheruheru isenya amazu n’amashuri – (Amafoto)

Mu karere ka Nyarugenge mu murenge wa Kigali mu tugari twa Mwendo na Rwesero, mu ijoro rya tariki 13 Nzeri 2023 haguye imvura ivanze n’umuyaga yangiriza byinshi.

Mu byo yasenye harimo ibyumba by’amashuri bya G.S Mwendo, inzu z’imiryango 12 yari ituye mu mudugu batujwemo na Leta, muri IDP Makaga Rwesero.

Yari imvura nyinshi ivanzemo inkuba n’umuyaga mwinshi, yasenye ibyumba by’amashuri 6 n’ibikoni byasambutse ibisenge biraguruka, inzu z’imiryango 12 n’ibisenge by’inzu 12 z’abaturage.

Abaturage bahuye n’ibi biza bacumbikishirijwe mu baturanyi babo, mu gihe hagishakwa uburyo bwo gusana izo nzu.